வரலாற்றுச் சிறப்புமிக்க நயினாதீவு நாகபூசணி அம்மன் ஆலய வருடாந்தத் தேர்த்திருவிழா இன்று(ஜூலை 2) ஞாயிற்றுக்கிழமை சிறப்புற நடைபெற்றது.
அதிகாலை 4 மணியளவில் ஆரம்பமான பூசைகளைத் தொடர்ந்து காலை 7 மணிக்கு வசந்த மண்டபப் பூசை நடைபெற்றது. உள்வீதியுலா வந்த அம்பாள் காலை 8.30 மணிக்கு தேரில் ஆரோகணித்து அருட்காட்சி தந்தார்.
அம்பாளின் அருளை வேண்டி நாட்டின் பல பாகங்களில் இருந்தும், புலம்பெயர் நாடுகளில் இருந்தும் பெருந்திரளான பக்தர்கள் வந்திருந்தனர்.
