நெடுந்தீவை நிலைபேறாக அபிவிருத்தி செய்யும் நோக்கில் ஆகஸ்ட் 04 சிறப்பான முறையில் ஆரம்பமாகி இடம்பெற்று வரும் நிலையில் “நெடுவூர்த்திருவிழா” 2024 இன் 06 ஆம் நாள் இரவு நிகழ்வுகள் பெருமளவு உறவுகள் பங்கேற்புடன் இடம்பெற்றது.
கலை நிகழ்வுகள் ஊடாக தங்கள் திறமைகளை பாடசாலை மாணவர்களின் கலை நிகழ்வுகளுடன், அண்ணாவியர் அமிர்தநாதர் அந்தோனிப்பிள்ளை அவர்களின் நெறியாள்கையில் வெடியரசன் நாட்டுக்கூத்தும் சிறப்புடன் இடம்பெற்றதுடன் வாண வேடிக்கையும் இடம்பெற்றது.
இன்றையதினம் திறமைகளை வெளிப்படுத்திய மாணவர்களிற்கான பரிசில் வழங்கும் நிகழ்வும் இடம்பெற்றதுடன், வெளியீடு செய்யப்பட்ட முத்திரையின் சிறப்புப் பிரதிகளும் வழங்கப்பட்டது. தடகள விளையாட்டு போட்டிகளின் வெற்றியாளர்களுக்கான பரிசில்களும் வழங்கப்பட்டது
இதன்போது மாணவர்களுக்கான சிறப்பு பரிசில்களை இன்றைய நிகழ்வின் விருந்தினர்கள் வழங்கி கௌரவித்ததுடன் புலம்பெயர் உறவுகள் , மற்றும் தாயகத்தின் ஏனைய பகுதி உறவுகள் என பலர் கலந்து சிறப்பித்தமை குறிப்பிடத்தக்கதாகும்.
