இலங்கையின் டிஜிட்டல் அடையாள அட்டை திட்டத்தை நடைமுறைப்படுத்துவதில் அரசாங்கம் தொடர்ச்சியாகக் காலக்கெடுக்களைத் தவறிவருவதாக பாராளுமன்ற உறுப்பினர் நாமல் ராஜபக்ஷ தனது எக்ஸ் தளத்தில் கடுமையாகச் சாடியுள்ளார்.
அவர் தனது எக்ஸ் தள பதிவில் குறிப்பிட்டுள்ளதாவது:
இரண்டு வருடங்களாக, இலங்கையின் டிஜிட்டல் அடையாள அட்டையை நடைமுறைப்படுத்துவது தொடர்பாக அரசாங்கம் அடுத்தடுத்து பல காலக்கெடுக்களை அறிவித்து வருகிறது.
ஏப்ரல் 2026 ஒரு இலக்காக அறிவிக்கப்பட்டது. அந்த காலக்கெடு இப்போது முடிந்துவிட்டது, இந்த ஆண்டின் இறுதிக்குள் முதல் டிஜிட்டல் அடையாள அட்டை வழங்கப்படும் என்று மீண்டும் நம்மிடம் கூறப்படுகிறது.
டிஜிட்டல் மாற்றத்திற்கு வெறும் அறிவிப்புகள் மட்டும் போதாது. அதற்குச் செயல்பாடு, பொறுப்புக்கூறல் மற்றும் மதிக்கப்படும் காலக்கெடு ஆகியவை தேவை.
டிஜிட்டல் அடையாள அட்டை உண்மையில் எப்போது வழங்கப்படும் என்பதை அரசாங்கம் மக்களுக்குத் தெளிவாகக் கூற வேண்டும்.
டிஜிட்டல் அடையாள அட்டைத் திட்டத்தை நடைமுறைப்படுத்துவதில் நிலவும் தாமதங்கள் மற்றும் அரசாங்கத்தின் வாக்குறுதிகள் குறித்து எதிர்க்கட்சிகள் மற்றும் அரசியல் தலைவர்கள் கேள்வி எழுப்பி வரும் நிலையிலேயே நாமல் ராஜபக்ஷ இந்த விமர்சனத்தை முன்வைத்துள்ளார்.