சகோதரர்களிடையே கைத்தொலைபேசி தொடர்பாக ஏற்பட்ட தர்க்கத்தால் ஒருவர் கத்தியால் குத்திக் கொலை செய்யப்பட்டுள்ளார்.
இந்தச் சம்பவம் இன்று (ஜனவரி 9) கிளிநொச்சி, தருமபுரத்தில் உள்ள கல்லாறு பிரதேசத்தில் நடந்துள்ளது.
கைத்தொலைபேசி தொடர்பாக அண்ணன், தம்பி இடையே ஏற்பட்ட தர்க்கம் முற்றியதில் தம்பி அண்ணனைக் கத்தியால் குத்தியுள்ளார். அதில் சம்பவ இடத்திலேயே அண்ணன் உயிரிழந்துள்ளார்.
37 வயதான த.தவசீலன் என்பவரே உயிரிழந்துள்ளார். இவர் மூன்று பிள்ளைகளின் தந்தையாவார்.
இந்தச் சம்பவம் தொடர்பாக தருமபுரம் பொலிஸார் விசாரணைகளை ஆரம்பித்துள்ளனர்.
சந்தேகநபர் கைது செய்யப்பட்டுள்ளார் என்றும், சடலம் தருமபுரம் வைத்தியசாலையில் ஒப்படைக்கப்பட்டுள்ளது என்றும் பொலிஸார் தெரிவித்தனர்.