நெடுந்தீவு கடற்பரப்பில் அத்துமீறி இழுவை மீன்பிடியில் ஈடுபட்ட 04 இந்திய இழுவை படகுகளுடன் 22 மீனவர்கள் இலங்கை கடற்படையினரால் நேற்று (ஜூன் 21) கைதுசெய்யப்பட்டனர்.
நேற்று இரவு நேரத்தில் இலங்கைக் கடற்பரப்பில் அத்து மீறிய இந்திய மீன்பிடி இழுவை படகுகளை விரட்டுவதற்கு இலங்கை கடற்படையினர் விசேட நடவடிக்கையை மேற்கொண்டனர்.
இந்த நடவடிக்கையின் போது நெடுந்தீவின் வடமேற்கே இலங்கை கடற்பரப்பில் அத்து மீறி இழுவை மீன்பிடியில் ஈடுபட்ட 22 இந்திய மீனவர்களுடன் 04 இந்திய இழுவை படகுகளை இலங்கை கடற்படை கைப்பற்றியுள்ளது.
22 இந்திய மீனவர்களுடன் கைப்பற்றப்பட்ட இழுவை படகுகள் காங்கேசன்துறை துறைமுகத்திற்கு கொண்டு செல்லப்பட்டதுடன் மேலதிக சட்ட நடவடிக்கைகளுக்காக மயிலிட்டி கடற்றொழில் பரிசோதகரிடம் ஒப்படைக்கப்படவுள்ளதாக தெரிவிக்கப்படுகின்றது.
