உலக தரிசனம் நிறுவனம்( world vision) நெடுந்தீவு ஊரும் உறவும் நிறுவனத்துடன் இணைந்து பரீட்சார்த்தமாக சிக்கன அடுப்பு வழங்கல் நிகழ்வு இடம்பெற்றது. இன்றையதினம் (ஒக்ரோபர்02) காலை நெடுந்தீவு ஊரும் உறவும் நிறுவன அலுவலகத்தில் வைத்து தெரிவு செய்யப்பட்ட 10 குடும்பங்களுக்கு பரீட்சார்த்த பாவனைக்காக சிக்கன விறகு அடுப்புகள் வழங்கி வைக்கப்பட்டது.
விறகு சிக்கனமாக பயன்படுவதுடன், இதனூடாக அதிக புகை வெளியேறல் இடம்பெறாது, குறுகிய நேரபாவனை, என்பதுடன் அனைவரும் இதனை இலகுவாக கையாளமுடியும் என தெரிவிக்கப்பட்டுள்ளது.
தற்போது பெற்றுக்கொண்ட பயனாளிகளின் பாவனை இரண்டு மாத்த்திற்கு கண்காணிக்கப்பட்டு அதன்முடிவு சாதகமாக அமையும் எனின் காஸ் பாவனையற்ற நெடுந்தீவில் உள்ள ஏனைய குடும்பங்களுக்கும் இதனை வழங்க ஏற்பாடு செய்யப்பட்டுள்ளது.
இன்றைய நிகழ்வில் உலக தரிசன நிறுவனத்தின் தலைமையக திட்ட முகாமையாளர், சாவகச்சேரி பிரதேச திட்ட இணைப்பாளர் மற்றும் நெடுந்தீவு ஊரும் உறவும் நிறுவனத்தினர் , பயனாளிகள் என பலர் கலந்துகொண்டதுடன் உலக தரிசன நிறுவனத்தினருக்கு ஊரும் உறவும் நிறுவனத்தினரால் நினைவுப் பரிசிலும் வழங்கப்பட்டது.
