கல்முனை ஆதார வைத்தியசாலையின் பணிப்பாளர் வைத்தியர் சுகுணனுக்கு எதிராகச் சமூக வலைத்தளங்களில் இடம்பெற்ற ஹிஜாப் விவகாரம் தொடர்பாகவும், அவருக்கு எதிராக வெளியிடப்பட்ட அவதூறான மற்றும் சமூக மோதலைத் தூண்டும் கருத்துகளுக்கு எதிராகவும் வழக்குத் தாக்கல் செய்யப்பட்டுள்ளது.
புதிதாக நடைமுறைப்படுத்தப்பட்ட இணையவழிப் பாதுகாப்புச் சட்டத்தின் கீழ் பதிவு செய்யப்பட்டுள்ள இவ்வழக்கு, மட்டக்களப்பு மேல் நீதிமன்றத்தில் விசாரணைக்கு எடுத்துக்கொள்ளப்பட்டது.
வைத்தியர் அர்ஜுனா, முன்னாள் இராஜாங்க அமைச்சர் ஹரீஸ் உள்ளிட்ட 6 நபர்களுக்கு எதிராகவும், யூடியூப் மற்றும் ஃபேஸ்புக் உள்ளடங்கலாக 2 சமூக வலைத்தளப் பக்கங்களுக்கு எதிராகவும் இந்த வழக்குத் தாக்கல் செய்யப்பட்டுள்ளது.
நீதிமன்றத்தில் சட்டத்தரணிகள் தெரிவித்த தகவலின்படி, தடையாணை அல்லது நிபந்தனையுடன்கூடிய கட்டளையைப் பிறப்பிப்பது தொடர்பாகப் பரிசீலிப்பதற்காக இவ்வழக்கின் மீதான விசாரணை எதிர்வரும் செப்டம்பர் 28ஆம் திகதிக்கு ஒத்திவைக்கப்பட்டுள்ளது.
இதன்போது வைத்தியர் சுகுணன் சார்பில் சட்டத்தரணிகளான டயஸ், க. கிசோபனா ஆகியோர் ஆஜராகியிருந்தனர்.