முள்ளிவாய்க்காலில் போரில் உயிரிழந்தோருக்கு அஞ்சலி செலுத்திய தொல். திருமாவளவன்

முல்லைத்தீவு முள்ளிவாய்க்காலில் அமைந்துள்ள நினைவு தூபியில் போரில் உயிரிழந்த உறவுகளுக்கு அஞ்சலி செலுத்தும் நிகழ்வில், இந்திய நாடாளுமன்ற உறுப்பினரும் விடுதலைச் சிறுத்தைகள் கட்சித் தலைவருமான தொல். திருமாவளவன் அவர்கள் இன்று (நவம்பர் 13) கலந்து கொண்டார்.

அவரை அப்பகுதி பொதுமக்கள் அன்புடன் வரவேற்று, பொன்னாடை போர்த்தி மரியாதை செய்தனர்.

அதனைத் தொடர்ந்து, கவிஞர் யோ. புரட்சி அவர்கள் தம் “ஆயிரம் கவிதைகள்” நூலை தொல். திருமாவளவன் அவர்களிடம் அன்புடன் கையளித்தார்.

பின்னர், திருமாவளவன் அவர்கள் முள்ளிவாய்க்கால் நினைவு முற்றம் சென்று, அங்கு அமைக்கப்பட்டுள்ள உறவுகளுக்கான பொதுத் தூபிக்கு மலர் மாலை அணிவித்து, அஞ்சலி செலுத்தினார்.