முல்லைத்தீவு, ஒட்டுசுட்டானில் வயோதிபத் தம்பதியைத் தாக்கி பணம் மற்றும் நகைகள் கொள்ளையிடப்பட்டுள்ளன. இந்தச் சம்பவம் நேற்றுமுன்தினம் இரவு 11 மணியளவில் நடந்துள்ளது.
வீட்டில் வயோதிபத் தம்பதி வசித்து வந்த நிலையில், வீட்டுக்குள் புகுந்தவர்கள் அவர்களைத் தாக்கி 5 பவுண் நகைகள் மற்றும் 50 ஆயிரம் ரூபா பணம் என்பவற்றைக் கொள்ளையிட்டுச் சென்றுள்ளனர்.
கொள்ளையர்களின் தாக்குதலுக்கு இலக்கான வயோதிபரான செல்லப்பா அழகையா காயங்களுடன் ஒட்டுசுட்டான் மருததுவமனையில் சேர்க்கப்பட்டுள்ளார்.
இந்தக் கொள்ளைச் சம்பவம் தொடர்பான விசாரணைகளை ஒட்டுசுட்டான் பொலிஸார் முன்னெடுத்து வருகின்றனர்.
