எதிர்வரும் புத்தாண்டு தினத்தன்று (ஏப்ரல் 14) நெடுந்தீவில் உதைபந்தாட்ட லீக் சுற்றுப்போட்டி நடத்தப்படவுள்ளது. அன்று மதியம் 2 மணிக்கு ஆரம்பமாகும் இந்தச் சுற்றுப்போட்டி 3 தினங்கள் நடத்தப்படவுள்ளது.
நெடுந்தீவு பிரதேச உதைபந்தாட்ட சம்மேளனத்தின் ஏற்பாட்டில் இந்தச் சுற்றுப்போட்டி நடத்தப்படவுள்ளது. தெரிவு செய்யப்பட்ட உதைபந்தாட்ட வீரர்கள் மற்றும் அணிகளின் உரிமையாளர்கள் இன்று (ஏப்ரல் 12) மாலை 4 மணிக்கு நெடுந்தீவு மகா வித்தியாலய மைதானத்துக்கு அழைக்கப்பட்டுள்ளனர்.
போட்டிகளின் நேர அட்டவணை மற்றும் களமிறங்கும் அணிகளின் விவரங்கள் தொடர்பாக இன்று நடைபெறும் கலந்துரையாடலில் தெரியப்படுத்தப்படும் என்று அறிவிக்கப்பட்டுள்ளது.
