பலத்த பாதுகாப்பின் மத்தியில் வெளியேறிய வைத்தியர் அர்ச்சுனா!

Last updated: 2024/07/08 at 10:16 PM

Published July 8, 2024 116 Views

3 Min Read

சாவகச்சேரி வைத்தியசாலையின் பதில் வைத்திய அத்தியட்சகரான இராமநாதன்அர்ச்சுனா இன்றையதினம் வைத்தியசாலையை விட்டு வெளியேறியுள்ளார்.

கொழும்பில் விசேட பேச்சுவார்த்தைக்காக அழைக்கப்பட்ட நிலையிலும், சுகயீனவிடுமுறையின் காரணமாகவும் அவர் வைத்தியசாலையை விட்டுவெளியேறியுள்ளதாக தெரிவிக்கப்பட்டுள்ளது.

அரச நிர்வாக நடைமுறைகளுக்கு எதிராக சாவகச்சேரி ஆதார வைத்தியசாலைவைத்திய பொறுப்பதிகாரி செயற்பட்டு வருவதாக தெரிவித்து அவரைக் கைதுசெய்வதற்கான நடவடிக்கைகள் மேற்கொள்ளப்பட்டு வந்தநிலையில் குறித்தவைத்திய அதிகாரி மருத்துவ விடுமுறை எடுத்து வைத்தியசாலையில்மருத்துர்களுக்கு ஒதுக்கப்பட்ட விடுதியில் தங்கியுள்ளார்.

அவரை பொலிஸார் கைது செய்ய ஆயத்தமாகும் வேளையில் பொதுமக்கள்அதற்கு எதிர்ப்பு தெரிவிக்க முற்படுவார்கள் என்ற காரணத்தால் குறித்த பகுதியில்கலகம் அடக்கும் பொலிசார் குவிக்கப்பட்டனர். இருப்பினும்

சாவகச்சேரி ஆதார வைத்தியசாலை முன்பாக மேற்கொள்ளப்பட்டபோராட்டத்தினால் அவ்விடத்தில் பதற்ற நிலை ஏற்பட்டது.

சாவகச்சேரி ஆதார வைத்தியசாலை முன்பாக தென்மராட்சி மக்களால் மாபெரும்கவனயீர்ப்பு போராட்டமும் கடை அடைப்பு நடவடிக்கையும்முன்னெடுக்கப்பட்டது.

சாவகச்சேரி ஆதார வைத்தியசாலையில் ஏற்பட்டுள்ள குழப்ப நிலையை தீர்த்துவைத்தியசாலையின் செயற்பாடுகளை மீள ஆரம்பிக்க வேண்டும் என கோரியேகுறித்த போராட்டம் முன்னெடுக்கப்பட்டது.

அப்பகுதியில் உள்ள அனைத்து கடைகளும் மூடப்பட்டதுடன் மக்கள்அணிதிரண்டு அமைதியான வழியில் போராட்டத்தை மேற்கொண்டமை குறிப்பிடத்தக்கது.

வைத்தியர் அர்ச்சுனாவிற்கான இடமாற்றக் கடிதத்தை இரவு வேளையில் வைத்துவழங்க முற்பட்டமை மற்றும் விசாரணைக்காக பொலிஸ் நிலையத்திற்குஅழைத்துச் செல்ல முற்பட்டமையினால் ஏராளமான பொதுமக்கள் ஒன்றுகூடிவைத்தியசாலை முன்றலில் போராட்டத்தில் ஈடுபட்டிருந்தனர்.