கிளிநொச்சி, அறிவியல் நகரில் இன்று (பெப்ரவரி 20) இ.போ.ச. பேருந்தும், ரயிலும் விபத்துக்குள்ளாகியுள்ளன. இந்த விபத்து காலை 8.15 மணியளவில் நடந்துள்ளது.
அறிவியல்நகர் ரயில் நிலையத்துக்கு அண்மையில் இந்த விபத்து நடந்துள்ளது.
யாழ்ப்பாண பல்கலைக்கழகத்துக்கு ஊழியர்களை ஏற்றி பயணித்த அரச பேருந்து,ரயில் கடவையை கடக்க முற்பட்டபோது, யாழ்ப்பாணத்திலிருந்து முறிகண்டி நோக்கி பயணித்த யாழ் ராணி ரயிலுடன் விபத்துக்குள்ளாகியுள்ளது.
இந்த விபத்தில் காயமடைந்த மூவர் கிளிநொச்சி வைத்தியசாலையில் சேர்க்கப்பட்டுள்ளனர். அதேவேளை, அருகில் நின்றிருந்த யாழ்ப்பாணம் பல்கலைக் கழக கிளிநொச்சி வளாக பீடாதிபதியின் காரும் விபத்தில் சேதமடைந்துள்ளது.
