யாழ்ப்பாணத்தில் பியர் பாவனை இவ்வருடம் குறைவடைந்துள்ளதாக யாழ்ப்பாண மதுவரி திணைக்கள தகவல்கள் தெரிவிக்கின்றன.
யாழ்ப்பாண மதுவரித் திணைக்களத்தின் ஆளுகைக்குட்பட்ட யாழ்ப்பாணம் நல்லூர், வேலணை ஆகிய பகுதிகளில் கடந்த 2019ம் ஆண்டுடன் ஒப்பிடும் போது இவ்வருடத்தின் கடந்த ஆறு மாதம் காலம் வரையிலான புள்ளிவிபரங்களின்படி பியர் நுகர்வு 27% மாக குறைவடைந்துள்ளதாக யாழ்ப்பாண மதுவரி திணைக்கள புள்ளிவிபர தகவல்கள் தெரிவிக்கின்றன.
2019ம் ஆண்டு 21 இலட்சத்துக்கும் மேற்பட்ட லீட்டர் பியர் விற்பனை இடம்பெற்றதாகவும் எனினும் இவ்வருடம் கடந்த ஆறு மாத புள்ளிவிவரங்களின்படி 7 இலட்சத்து 42 ஆயிரம் லீட்டர் பியர் நுகர்வு மட்டுமே இடம்பெற்றுள்ளதாகவும் யாழ்ப்பாண மதுவரி திணைக்கள புள்ளிவிபர தகவல்கள் தெரிவிக்கின்றன.
அத்தோடு வைன் நுகர்வு கடந்த வருடத்துடன் ஒப்பிடும் போது 21% வீதத்தால் குறைவடைந்துள்ளதோடு அதேபோல் வெளிநாட்டு சாராய நுகர்வும் 1.74 வீதத்தினால் குறைவடைந்துள்ளது. ஆனால் உள்ளூர் சாராய பாவனை 2.6 வீதமாக அதிகரித்துள்ளது.
மேலும் யாழ்ப்பாணம் நல்லூர், வேலணை ஆகிய பகுதிகளில் யாழ்ப்பான மதுவரித் திணைக்களத்தின் ஆளுகையின் கீழ் 13 சில்லறை மதுபான விற்பனை நிலையங்கள், 5 ஹோட்டல் விற்பனை நிலையங்கள் மற்றும் 6 ரெஸ்ரோண்ட் விற்பனை நிலையங்கள் காணப்படுவதாகவும் தெரியவருகிறது.
