முல்லைத்தீவு, கல்விளான் பகுதியில் இன்று (ஜூலை 24) புதன்கிழமை இடம்பெற்ற துப்பாக்கிச் சூட்டில் விவசாயி ஒருவர் காயமடைந்துள்ளதாக பொலிஸார் தெரிவித்தனர்.
சம்பவத்தில் கல்விளான் பகுதி விவசாய அமைப்பின் செயலாளரே இவ்வாறு காயமடைந்துள்ளார்.
இவர் வயலுக்குச் சென்றிருந்த போது இனந்தெரியாத நபர்கள் சிலரால் இந்ததுப்பாக்கிச் சூடு மேற்கொள்ளப்பட்டுள்ளது.
காயமடைந்தவர் முல்லைத்தீவு பொது வைத்தியசாலையில் அனுமதிக்கப்பட்டுமேலதிக சிகிச்சைக்காகக் கிளிநொச்சி பொது வைத்தியசாலைக்குமாற்றப்பட்டுள்ளார்.
முல்லைத்தீவு, கல்விளான் பகுதியில் மணல் கடத்தல்காரர்களுக்கு கடும் எதிர்ப்பு நிலவி வருவதால் இந்த துப்பாக்கிச் சூட்டுச் சம்பவத்துக்கும் மணல்கடத்தல்காரர்களுக்கும் இடையில் தொடர்பு இருக்கலாம் என பொலிஸார்சந்தேகிக்கின்றனர்.
எவ்வாறாயினும், துப்பாக்கி சூட்டை நடத்தியவர்கள் தொடர்பில் எந்தவிததகவல்களும் இதுவரை கண்டறியப்படவில்லை எனவும் பொலிஸார்தெரிவித்தனர்.
இது தொடர்பான மேலதிக விசாரணைகளை முல்லைத்தீவு பொலிஸார்மேற்கொண்டு வருகின்றனர்.
