செவிப்புலனற்றோர் வாகனம் செலுத்தும் போது அடையாளம் காணக்கூடிய ஸ்ரிக்கர் ஒட்டப்பட்ட தலைக்கவசம், ஜக்கட் என்பன அணிதல் அவசியம் என யாழ் மாவட்ட மோட்டார் போக்குவரத்து திணைக்கள உதவி ஆணையாளர் ஏ. கிருபாகரன் தெரிவித்துள்ளார்
11 செவிப்புலனற்றோருக்கான விசேட சாரதி அனுமதிப் பத்திரம் வழங்கும் நிகழ்வு நேற்றையதினம் (நவம்பர்17) இடம்பெற்றது.இந் நிகழ்வில் தலைமையுரையாற்றிய போதே அவர் இவ்வாறு தெரிவித்தார்
மேலும் அவர் தனது உரையில் தெரிவிக்கையில்…..
யாழ்ப்பாண மாவட்டத்திலேயே முதன்முறையாக விசேட சாரதி அனுமதிப்பத்திரம் வழங்கப்படுவதாகவும் குறிப்பாக பதினொரு செவிப்புல வலுவுற்றோருக்கு இன்றைய தினம் (நவம்பர்17) இச் சாரதி அனுமதிப்பத்திரம் வழங்கப்படுவதாகவும் தெரிவித்தார்
இவ் சாரதி அனுமதிப்பத்திரம் இரண்டு வருடங்களுக்கு மட்டுமே செல்லுபடியாகும் எனவும் மீண்டும் புதுப்பிக்கப்பட வேண்டுமென தெரிவித்தார்.
இவர்கள் பாவிக்கும் மோட்டார் வாகனம் முழுமையாக பதிவு செய்யப்பட வேண்டுமெனவும், முழுமையான காப்புறுதி செய்யப்பட வேண்டுமென தெரிவிக்கப்பட்டது.
மேலும் செவிப்புலனற்றோருக்கான மோட்டார் வாகனம் செலுத்தும் போது அடையாளம் காணக்கூடிய ஸ்ரிக்கர் ஒட்டப்பட்ட தலைக்கவசம், ஜக்கட் என்பன அணிதல் அவசியம் எனவும், மோட்டார் சைக்கிளின் முன்பக்கத்தில் அடையாளம் காணக்கூடியஸ்ரிக்கர் ஒட்டப்பட்டிருத்தல் அவசியமானது
வாகனத்தினை செலுத்தும் போது அவர்கள் தமது சங்கத்தில் உள்ள பொறுப்பாளருடன் தொடர்பினைபேணக்கூடியவாறு whatsapp செயலிலுள்ள தொலைபேசியை எடுத்து ச் செல்ல வேண்டும் எனவும் தெரிவித்தார்.