வடக்கு மாகாணத்தைச் சேர்ந்த மாணவர்கள் சில துறைகளை உயர்கல்விக்காக தேர்ந்தெடுக்காததால், இங்கு உள்ள வெற்றிடங்களுக்கு பிற மாகாணங்களைச் சேர்ந்தவர்களை நியமிக்க வேண்டிய நிலைமை உருவாகியுள்ளது என வடக்கு மாகாண ஆளுநர் நா. வேதநாயகன் தெரிவித்தார்.
யாழ். கல்விக் கண்காட்சி – 2025 இன் திறப்பு விழா நேற்று (ஜனவரி 11) யாழ்ப்பாணத்தில் உள்ள தனியார் விடுதியில் நடைபெற்றது.
இந்த நிகழ்வில் வடக்கு மாகாண ஆளுநர் பிரதம விருந்தினராகவும், சிறப்பு விருந்தினராக மாகாண பிரதம செயலாளர் இ. இளங்கோவன் மற்றும் கௌரவ விருந்தினராக நாடாளுமன்ற உறுப்பினர் க. இளங்குமரன் ஆகியோர் கலந்து கொண்டு கண்காட்சியை ஆரம்பித்து வைத்தனர்.
பிரதம விருந்தினராக கலந்து கொண்ட ஆளுநர் தனது உரையின்போது மேற்கண்ட கருத்துகளை கூறினார்.
அவரது உரையில்,
முன்பை காலங்களில் இலங்கையின் அரச பல்கலைக்கழகங்களில் சிறுபான்மையானவர்களுக்கே உயர்கல்வி வாய்ப்பு கிடைத்தது. தற்போது, அரச பல்கலைக்கழக வாய்ப்புகள் இல்லாதவர்களும் தனியார் வழியாக உயர்கல்வி கற்பதற்கான பரந்த வாய்ப்புகளை பெறுகிறார்கள். இந்த வாய்ப்புகளை மாணவர்கள் சரியாக பயன்படுத்த வேண்டும்.
மேலும், எமது முயற்சியால் மற்றும் தகுந்த தேர்வுகள் மூலம் பொருத்தமான துறைகளில் உயர்கல்வி கற்றல் வேலைவாய்ப்புகளை உறுதிப்படுத்த உதவுகிறது.
வடக்கு மாகாணத்தின் முக்கிய வளம் கல்வி தான். இவ்வகையான கல்விக் கண்காட்சிகள் எமது மாணவர்களின் எதிர்கால முன்னேற்றத்திற்கு மிக முக்கியமானவை. இத்தகைய முயற்சிகள் தொடர வேண்டும் என ஆளுநர் மேலும் கூறினார்.
