மட்டக்களப்பு, ஏறாவூரில் பண்ணை ஒன்றில் மின்னல் தாக்கியதில் அந்தப் பணையில் இருந்த ஆடுகள், கோழிகள், வாத்துக்கள் கருகி உயிரிழந்துள்ளன. இந்தச் சம்பவம் இன்று (25) அதிகாலை 2.30 மணியளவில் நடந்துள்ளது.
தற்போது ஏற்பட்டுள்ள காலநிலை மாற்றம் காரணமாக மட்டக்களப்பு மாவட்டத்தில் மின்னலுடன் கடும் மழை பெய்து வருகின்றது. நேற்று அதிகாலை ஏற்பட்ட மின்னல் தாக்கத்தால் பண்ணையின் இரு அடுக்குக் கூடு ஒன்று முற்றாக எரிந்து நாசமாகியுள்ளது.
அந்தக் கூட்டில் இருந்த 9 ஆடுகள், 4 சேவல்கள், 3 வாத்துக்கள் கருகி உயிரிழந்துள்ளன. பண்ணைக் கூட்டின் மேற்பகுதியில் ஆடுகளும், கீழ்ப் பகுதியில் கோழிகள், வாத்துக்கள் இருந்த நிலையிலேயே மின்னல் தாக்கியுள்ளது.