யாழ் மாவட்ட தீவகப் பகுதிகளில் குறிப்பாக நெடுந்தீவில் உள்ள விவசாய நிலங்களுக்குள் ஆபிரிக்க நத்தை இனம் ஊடுருவியுள்ள நிலையில் அதனை தடுப்பதற்கு எடுக்க வேண்டிய நடவடிக்கைகள் தொடர்பில் ஆராயுமாறு யாழ் மாவட்ட விவசாய குழு கூட்டத்தில் தீர்மானம் நிறைவேற்றப்பட்டுள்ளது.
யாழ் மாவட்ட செயலகத்தில் அரச அதிபர் மருதலிங்கம் பிரதீபன் தலைமையில் இடம்பெற்ற மாவட்ட விவசாய மற்றும் உணவு பாதுகாப்பு தொடர்பான கலந்துரையாடலின் போது குறித்த தீர்மானம் எடுக்கப்பட்டுள்ளது.
யாழ் மாவட்டத்தின் கடல் கடந்த தீவகப் பகுதிகளில் ஒன்றான நெடுந்தீவு பிரதேச செயலக பிரிவின் பெரும்பாலான பகுதிகளிலும் மேற்கு பகுதியிலுள்ள விவசாய நிலங்களிலும் குறித்த ஆபிரிக்க நத்தை இனம் வெகுவாக ஊடுருவியுள்ளது. 
குறித்த விடயம் தொடர்பில் கருத்து தெரிவித்த நெடுந்தீவு பிரதேச செயலாளர் நடராசா பிரபாகரன் அவர்கள் தெரிவிக்கையில்..
நெடுந்தீவு மக்கள் தமது அன்றாட வாழ்க்கைக்கு தேவையான குறித்த அளவு தானியங்கள் மற்றும் மரக்கறிகளை நெடுந்தீவிலே உற்பத்தி செய்கிறார்கள்.
இவ்வாறான நிலையில் குறித்த பகுதி மக்களின் விவசாய நிலப்பரப்புக்குள் இந்த நத்தை இனம் பெருமளவில் ஊடுருவி உள்ள நிலையில் பயிர்களை உறிஞ்சி உன்னுகிறது.
இதனை கட்டுப்பாட்டுக்குள் கொண்டு வராவிட்டால் அங்கு வாழ்கின்ற மக்களின் உணவு தேவையை பூர்த்தி செய்வதில் பாரிய சிக்கல் நிலை ஏற்பாடுவதுடன் அவர்களின் வாழ்வாதாரத்தை இழந்து போகும் நிலையும் ஏற்படும் என்றார்
குறித்த விடயம் தொடர்பில் கருத்து தெரிவித்த அரசாங்க அதிபர் பிரதி மாகாண விவசாய பணிப்பாளர் உள்ளடக்கிய குழு ஒன்றை தயார் செய்து நெடுந்தீவுக்கு விஜயம் மேற்கொண்டு அதன் பரம்பலைத் தடுப்பதற்குரிய நடவடிக்கைகளை மேற்கொள்ளுமாறு தெரிவித்தார்