நெடுந்தீவு 9ஆம் வட்டாரத்தில் அமைந்துள்ள பயன்படுத்தப்படாத ஒரு காணியிலிருந்து துப்பாக்கி ஒன்று பொலிஸாரால் மீட்கப்பட்டுள்ளது.
அந்தக் காணியில் மறைக்கப்பட்டிருந்த துப்பாக்கியை, ஊர்காவற்றுறை பொலிஸ் நிலையத்தின் விசேட புலனாய்வுப் பிரிவினருக்குக் கிடைத்த ரகசியத் தகவலின் அடிப்படையில், நேற்று (நவம்பர் 14) இரவு பொலிஸார் கைப்பற்றினர்.
ஊர்காவற்றுறைப் பொலிஸார் விசாரணைகளை மேற்கொண்ட பின்னர், குறித்த துப்பாக்கி இன்று (நவம்பர் 15) ஊர்காவற்றுறைப் பொலிஸாரால் ஊர்காவற்றுறை நீதிமன்றத்தில் சான்றுப் பொருளாக ஒப்படைக்கப்பட்டுள்ளது.
சம்பவம் தொடர்பான மேலதிக விசாரணைகளை ஊர்காவற்றுறைப் பொலிஸார் மேற்கொண்டு வருகின்றனர்.