முல்லைத்தீவு, கொக்குளாய் முகத்துவாரத்தில் நடந்த படகு விபத்தில் ஒருவர் உயிரிழந்துள்ளார். ஒருவர் காயமடைந்து முல்லைத்தீவு மாவட்ட மருத்துவமனையில் சேர்க்கப்பட்டுள்ளார்.
இந்தச் சம்பவம் இன்று காலை நடந்துள்ளது. கடற்றொழில் நடவடிக்கைக்காக படகைச் செலுத்திச் சென்றபோதே இந்த விபத்து நடந்துள்ளது.
மீகமுவ பிரதேசத்தைச் சேர்ந்த 56 வயதுடைய ஒருவரே உயிரிழந்துள்ளார். உயிரிழந்தவரின் உடல் முல்லைத்தீவு மாவட்ட வைத்தியசாலையில் சேர்க்கப்பட்டுள்ளது.
காயமடைந்த மீனவர் முல்லைத்தீவு மாவட்ட வைத்தியசாலையில் சிகிச்சை பெற்று வருகின்றார். இந்தச் சம்பவம் தொடர்பாகக் கொக்குளாய் பொலிஸார் விசாரணைகளை முன்னெடுத்துள்ளனர்.
