தூத்துக்குடி திரேஸ்புரம் கடற்கரை பகுதியில் இருந்து இலங்கைக்கு படகு மூலம்கடத்தப்பட இருந்த நிலையில் 58 கிலோ சாரஸ் என்ற அதிபோதைபொருளைகியூ பிரிவு பொலிசார் பறிமுதல் செய்துள்ளனர் . இதன் இந்திய மதிப்பு 29 கோடிரூபாய் இருக்கும் என கூறப்படுகிறது.
தூத்துக்குடி கடற்கரை பகுதியில் இருந்து இலங்கைக்கு தொடர்ச்சியாக கஞ்சா, பீடி இலைகள், களைக்கொல்லி மருந்து, வலி நிவாரண மாத்திரைகள்தொடர்ச்சியாக கடத்தப்பட்டு வருகிறது.
இதனை தடுப்பதற்கான அனைத்து நடவடிக்கைகளும் கியூ பிரிவு பொலிசார்மற்றும் கடலோர பாதுகாப்பு படையினர் ஈடுபட்டு வருகின்றனர்.
இந்நிலையில் நேற்றையதினம் (செப். 2) தூத்துக்குடி திரேஸ்புரம் கடற்கரைபகுதியில் இருந்து இலங்கைக்கு படகு மூலம் ‘சாரஸ்‘ என்ற அதிநவீனபோதைப்பொருள் கடத்தப்படுவதாக கியூ பொலிசாருக்கு ரகசிய தகவல்கிடைத்தது. இதை தொடர்ந்து கியூ பிரிவு ஆய்வாளர் விஜய் அனிதாதலைமையில் பொலிசார் அங்கு தீவிர கண்காணிப்பு பணியில் ஈடுபட்டனர்.
அப்போது அங்கு இருந்த படகில் இலங்கைக்கு கடத்துவதற்காககொண்டுவரப்பட்ட அதிபோதைபொருள் கியூ பிரிவு பொலிசாரால் பறிமுதல்செய்யப்பட்டுள்ளது. இதன் இந்திய மதிப்பு படி 29 கோடி என கூறப்படுகிறது.
இது தொடர்பாக தூத்துக்குடி சவேரியார் புரம் பகுதியைச் சேர்ந்த வழக்கறிஞர்உற்பட 3 பேரை பிடித்து கியூ பிரிவு பொலிசார் விசாரணை நடத்தி வருகின்றனர்.
கியூ பிரிவு பொலிசாரின் முதற்கட்ட விசாரணையில் கஞ்சாவை உருக்கி சாரஸ்ஆக உருவாக்கப்படுவதாகவும் கூறப்படுகிறது.
அண்மைக்காலமாக தூத்துக்குடியில் இருந்து போதைப் பொருட்கள்இலங்கைக்கு கடத்தப்படுவது வழக்கமாக நடந்து கொண்டிருந்தாலும்தற்போதைய இந்த கடத்தல் மிகப்பெரிய அளவில் பார்க்கப்படுகிறது.
