திவக வலயத்தில் முதலாம் இடத்தைப் பெற்ற மாணவி மாகாணமட்ட போட்டிக்கு தேர்வு செய்யப்பட்ட போதும் மாகாண மட்ட போட்டி இன்று(செப்ரெம்பர் 16) யாழ்நகரில் இடம்பெறும் மாகாணமட்ட போட்டிக்கான அறிவித்தல் கிடைக்காத காரணத்தினால் போட்டியில் கலந்த கொள்ள முடியாத நிலை ஏற்பட்டுள்ளதாக அவரது பெற்றோர் பெரும் கவலை தெரிவித்துள்ளனர்.
நெடுந்தீவு மாவிலித்துறை றோ. க. த. க. வித்தியாலய மாணவி அமலஜான் அமல ஜெனிஸா – பிரிவு 01 இற்கான பேச்சுப்போட்டியில் தீவக வலயமட்டத்தில் 1 ஆம் இடம்பெற்று மாகாணமட்ட போட்டிக்கு தெரிவாகியிருந்தார்.
மாகாண போட்டி இன்று யாழ் இந்துமகளிர் கல்லூரியில் இடம்பெறுவதாக தகவல் இன்று காலை 8.00 மணிக்கு பின்னரே கிடைத்ததாகவும் , இது தொடர்பாக பாடசாலை அதிபர் மற்றும் கல்வி அதிகாரிகளுடன் பெற்றோர் தொடர்பு கொண்டு இது சம்பந்தமாக வினவியபோது போட்டி தொடர்பான தகவல் தீவக கல்வி வலயம் ஊடாக வழங்கப்படாமை தெரியவந்துள்ளது.
இன்று நடைபெற இருப்பதாக தகவல்கள் தெரிவிக்கப்பட்டதன் பின்னர் பெற்றோர் கடற்படையினரின் உதவியை நாடியபோதும் அது கிடைக்காமையால் பகல் 11.30 இற்கு புறப்பட்ட படகில் மாணவியை அழைத்து சென்றுள்ளதாக தகவல்கள் தெரிவிக்கின்றன.
அதேவேளை இன்றைய தினம் கடும் காற்று ஆக காரணமாக கடல்கொந்தழிப்பாக உள்ளதாகவும் இதனால் பெரும் சிரமத்தை எதிர்கொண்டே வேண்டியதாக இருக்கின்றதாகவும் தெரிவிக்கப்படுகின்றது.
இந்த கடல் காற்றில் பெரும் சிரமங்களுக்கு மத்தியில் சென்ற பிள்ளை சோர்வடைந்து நிலையிலேயே போட்டியில் பங்குபற்றவேண்டிய நிலை ஏற்படும் எனவும் இதனால் தேசிய மட்டத்துக்கு செல்வதற்கான சந்தர்ப்பத்தை தவறவிடக்கூடிய நிலை ஏற்படும் எனவும் பெற்றோர் கவலை தெரிவித்துள்ளனர்.
இந்த நிலையில் தீவக வலய மட்டத்தில் முதலாம் இடத்தை பெற்ற பிள்ளை மாகாணமட்ட போட்டியில் கலந்து கொள்ள முடியாமைக்கான காரணம் தொடர்பாக மாகாண பணிப்பாளருடன் மாணவியின் பெற்றோர் தொலைபேசி ஊடாக தொடர்பு கொண்ட போது அவரும் பிள்ளையை அனுப்பக்கூடிய நடவடிக்கை மேற்கொள்ளுமாறு தெரிவித்திருந்ததாக பெற்றோர் தரப்பில் தெரிவிக்கப்படுகின்றது. எது எவ்வாறு இருப்பினும் இவ்வாறான தவறுகளின் பொறுப்பு யார் கையில்.
