சிறகுகள் அமையத்தின் ஏற்பாட்டில், விளையாட்டுத் திணைக்களம் வடமாகாணத்துடன் இணைந்து பாடசாலை மாணவர்களுக்கான சதுரங்க பயிற்சி வகுப்பை இன்று ( ஏப்ரல் 8) எழுதிரள் பணிமனையில் நடாத்தியது.
நிகழ்வில் ஆரம்பப் பிரிவு மாணவர்கள் மிகவும் ஆர்வத்துடன் கலந்து கொண்டமை சிறப்பாகும். மேலும் இந்தப் பயிற்சி வகுப்புக்கள் தொடர்ந்து 3 மாதங்களுக்கு இடம்பெறவுள்ளது.
சதுரங்கப் பயிற்சியாளர்களாக சிறகுகள் அமைய செயற்பாட்டாளர்கள் தன்னார்வலர்களாக செயலாற்றுகின்றமை குறிப்பிடத்தக்கது.
கிளிநொச்சி, காரைநகர், மாங்குளம், வவுனியா நகரங்களில் சதுரங்க பயிற்சி வகுப்புக்களை வடமாகாண விளையாட்டு திணைக்களத்துடன் இணைந்து மேற்கொள்ளவுள்ளதாக சிறகுகள் அமையம் தெரிவித்துள்ளது.
