நெடுந்தீவு மகா வித்தியாலயத்தில் கல்வி கற்பித்து தற்போது ஓய்வுநிலையில் உள்ள இரண்டு ஆசிரியர்கள் பழைய மாணவர்களால் கௌரவிக்கப்பட்ட நிகழ்வு கடந்த வியாழக்கிழமை (11/04) பிரத்தியேக இடமொன்றில் சிறப்பாக இடம்பெற்றுள்ளது.
1980 ம், ஆண்டு க. பொ. த. சாதாரண தரப் பரீட்சை எழுதிய மாணவர்கள் ஒன்றிணைந்து, தமக்கு தரம் 06 தொடக்கம் க. பொ. த. சாதாரண தரம் வரை கல்வி கற்பித்த இரு ஆசிரியர்களையும் அழைத்து கௌரவித்துள்ளனர்.
ஓய்வுநிலை ஆசிரியர்களான திரு. சு. இராசலிங்கம் மற்றும் திருமதி தோ. பரமேஸ்வரி ஆகியோரே இவ்வாறு நாற்பது ஆண்டுகள் கடந்தும் அளப்பரிய கல்விப் பணிக்காக கௌரவிக்கப்பட்டமை இங்கு சுட்டிக்காட்டத்தக்கதாகும்.
