நெடுந்தீவு கிழக்கு சனசமூக நிலையத்தில் வாழ்விற்கான பேரொளி “வாசிப்பு” எனும் தொனிப்பொருளில் நேற்று காலை அமர்வு – 2 சிறப்பாக இடம்பெற்றது.
இரகுபதி நினைவு நூலகத்தில் அங்கத்தவராகியுள்ள மற்றும் அங்கத்தவராக ஆர்வமுள்ள ஆரம்ப பிரிவு மாணவர்களுக்கான நூலக அறிமுகம் மற்றும் கதை கூறல், புத்துணர்வூட்டும் விளையாட்டு நிகழ்வுகள் என அமர்வு – 2 சனசமூக நிலைய மண்டபத்தில் சிறப்பாக இடம்பெற்றது.
நூல் இரவல் வழங்கும் பிரிவான இரகுபதி நினைவு நூலகத்தில் உள்ள சிறுவர் பகுதி மற்றும் மாணவர் பகுதி நூல்களை பார்வையிடல் ,மாணவர்களிடையே வாசிப்பை ஊக்கப்படுத்தும் வகையில் கதை கூறல் , புத்துணர்வூட்டும் விளையாட்டுகளில் ஈடுபடுத்தல் , மற்றும் மாணவர்களை நூலக வாசிப்பு வட்டத்தின் அங்கத்தவராக்கல், மற்றும் சிறந்த வாசகருக்கான விருது வழங்கல் ஆகிய நிகழ்வுகள் இடம்பெற்றது.
இந் நிகழ்வில் சிறுவர் நூலக அங்கத்தவர்கள் சுமார் 40 பேர் மற்றும் பெற்றோர்கள் , நிலைய உறுப்பினர்கள் என பலர் கலந்து கொண்டமை குறிப்பிடத்தக்கது.
