அரசாங்கத்தினால் வழங்கப்படும் ‘அஸ்வெசும’ (Aswesuma) நிவாரணப் பணத்தை சில தரப்பினர் மது அருந்துவதற்காகப் பயன்படுத்துவதாக அரசாங்க தகவல் பணிப்பாளர் நாயகம் எச்.எஸ்.கே.ஜே. பண்டார வெளிப்படுத்தியுள்ளார்.
குறிப்பாகத் தொலைதூரக் கிராமங்களில் இந்த நிலைமை அதிகமாகக் காணப்படுவதாகவும், அஸ்வெசும தவணைப் பணம் வழங்கப்படும் நாட்களில் மதுபானக் கடைகளின் வருமானம் குறிப்பிடத்தக்க அளவில் அதிகரிப்பதாகத் தகவல்கள் கிடைத்துள்ளன என்றும் அவர் மேலும் தெரிவித்துள்ளார்
நாட்டின் வறுமையை ஒழிப்பதென்றால், பொருளாதார நிவாரணங்களுக்கு மேலதிகமாகத் தரமான சமூக மேம்பாடும் இன்றியமையாதது என பணிப்பாளர் நாயகம் இங்கு வலியுறுத்தினார்.
இந்தத் தவறான பணப் பயன்பாட்டைத் தடுப்பதற்கான விழிப்புணர்வு நடவடிக்கைகளில் மதத் தலைவர்கள் மற்றும் புத்திஜீவிகள் அத்தோடு ஒட்டுமொத்த சமூகமும் தீவிரமாகப் பங்களிக்க வேண்டும் என அவர் மேலும் சுட்டிக்காட்டினார்.
