தமது அடுத்த இலக்காக 18 அமெரிக்க நிறுவனங்களின் பெயர்ப்பட்டியலை ஈரானிய புரட்சிகர காவற்படை வெளியிட்டுள்ளது.
ஏப்ரல் 1 முதல் அப்பிள், கூகுள், மெட்டா, ஐபிஎம், டெஸ்லா மற்றும் போயிங் போன்ற 18 முன்னணி அமெரிக்க தொழில்நுட்ப நிறுவனங்களைத் தாக்கப்போவதாக ஈரானின் புரட்சிகர காவற்படை தெரிவித்துள்ளது.
இது தொடர்பில் வெளியிடப்பட்ட அறிக்கையில், இந்த நிறுவனங்கள் அதிகாரிகளின் “குறிவைத்து நடத்தப்பட்ட படுகொலைகளில்” உடந்தையாக இருந்ததாக அவர்கள் குற்றம் சாட்டினர்.
“ஏப்ரல் 1, புதன்கிழமை, தெஹ்ரான் நேரப்படி இரவு 8:00 மணி (1630 GMT) முதல், ஈரானில் நடக்கும் ஒவ்வொரு படுகொலைக்கும் ஈடாக, இந்த நிறுவனங்களின் தொடர்புடைய பிரிவுகள் அழிக்கப்படும் என்பதை எதிர்பார்க்க வேண்டும்” என்று அந்த அறிக்கை கூறியது.
ஊழியர்களுக்கான எச்சரிக்கையில், “இந்த நிறுவனங்களின் ஊழியர்கள் தங்கள் உயிரைக் காப்பாற்றிக்கொள்ள உடனடியாக தங்கள் பணியிடங்களை விட்டு வெளியேறுமாறு நாங்கள் அறிவுறுத்துகிறோம்” என்றும் அது மேலும் கூறியது.
அந்த நிறுவனங்களில் அப்பிள், மெட்டா, கூகுள், மைக்ரோசாஃப்ட், இன்டெல், ஐபிஎம், டெல், டெஸ்லா, என்விடியா, போயிங், ஹெச்பி, சிஸ்கோ, ஆரக்கிள், பிளான்டர், ஜே.பி. மோர்கன், ஜிஇ, ஸ்பைர் சொல்யூஷன்ஸ் மற்றும் ஜி42 ஆகியவை அடங்கும்.
அந்த அறிக்கையில், அவர்கள் அந்த நிறுவனங்களை “பயங்கரவாத நிறுவனங்கள்” என்று முத்திரை குத்தி, இந்த நிறுவனங்களைச் சுற்றி “ஒரு கிலோமீட்டர் சுற்றளவிற்குள்” வசிக்கும் மக்களை அப்பகுதியை விட்டு வெளியேறி, பாதுகாப்பான இடத்திற்குச் செல்லுமாறு குறிப்பிட்டுள்ளனர்.