பொருள்கள் விநியோகம் உள்ளிட்ட அத்தியாவசிய சேவைகளைத் தவிர்த்து மாவட்டங்களுக்கு இடையிலான மக்களின் பயணத்தை நிறுத்த ஜனாதிபதி கோத்தாபய ராஜபக்ச பணித்துள்ளார்.
கோவிட் – 19 நோயாளர்கள் அடையாளம் காணப்படும் பகுதிகளில் ஊரடங்கு உத்தரவை கண்டிப்பாக நடைமுறைப்படுத்துமாறும் ஜனாதிபதி பொலிஸாருக்கு அறிவுறுத்தினார்
மக்களின் உயிர்களுக்கும் பொருளாதாரத்திற்கும் தீங்கு விளைவிக்காமல் கோவிட்-19 தொற்று நோய் பரவுவதைத் தடுக்க ஜனாதிபதி கோத்தாபய ராஜபக்ச பல முடிவுகளை எடுத்துள்ளார்.
மக்களை தனிமைப்படுத்தப்பட்ட நிலையங்களுக்கு அழைத்துச் செல்வதற்கு பதிலாக, அவர்களை சொந்த வீடுகளில் தனிமைப்படுத்த அரசு மேற்கொண்ட நடவடிக்கைகள் வெற்றிகரமான முடிவுகளைக் கொண்டுள்ளன. இந்த செயல்முறையை மேலும் முறைப்படுத்த, அதை சுகாதார மருத்துவ அதிகாரி, பொது சுகாதார பரிசோதகர்கள், பொலிஸார் மற்றும் இராணுவம் தொடர்ந்து கண்காணிக்க வேண்டும் என்று ஜனாதிபதி சுட்டிக்காட்டினார்.
வீட்டிலுள்ள தனிமைப்படுத்தப்பட்ட நபர்களின் பி.சி.ஆர் சோதனை 10ஆவது நாளில் செய்யப்பட வேண்டும். இதன் விளைவாக, நோய்த் தொற்று இல்லாதவர்களை 14 நாள்களுக்குப் பிறகு இயல்பு வாழ்க்கைக்குத் திரும்ப அனுமதிக்குமாறு சுகாதார அதிகாரிகளுக்கு ஜனாதிபதி அறிவுறுத்தியுள்ளார்.
கோவிட் -19 நோயைப் பரவலைக் கட்டுப்படுத்துவது தொடர்பான ஜனாதிபதி செயலணி உறுப்பினர்களுடன் இன்று (01) ஜனாதிபதி செயலகத்தில் நடைபெற்ற கலந்துரையாடலில் ஜனாதிபதி இந்த பணிப்புரைகளை விடுத்தார்.
இந்தக் கூட்டம் தொடர்பில் ஜனாதிபதி ஊடகப் பிரிவு அனுப்பிவைத்த ஊடக அறிக்கையில் தெரிவிக்கப்பட்டுள்ளதாவது;
கடந்த காலங்களில் கோவிட் – 19 நோய் பரவல் அனுபவம் இல்லாதபோது அரசால் மக்களை நன்றாகப் பாதுகாக்க முடிந்தது. அப்போது பின்பற்றப்படும் தந்திரோபாயங்கள் மற்றும் முறைகளைப் பயன்படுத்தி தற்போதைய நிலமையைக் கட்டுப்படுத்த நடவடிக்கை எடுக்க வேண்டும் என்று ஜனாதிபதி சுட்டிக்காட்டினார்.
தொடர்ச்சியான மற்றும் சீரற்ற ஆய்வுகளின் முக்கியத்துவத்தை ஜனாதிபதி வலியுறுத்தினார். அவற்றின் முடிவுகளை குறுகிய காலத்தில் கொடுக்க ஒவ்வொரு முயற்சியும் எடுக்கப்பட வேண்டும் என்றும் அவர் வலியுறுத்தினார்
பி.சி.ஆர் பரிசோதனை அரசால் செய்யப்பட்டாலும், முடிவுகள் வெளிவரும் வரை தனி நபரை தனிமைப்படுத்துமாறு கட்டாயப்படுத்துவது கட்டாயமாகும் என்றும், தனியார் மருத்துவமனைகளில் மேற்கொள்ளப்படும் பி.சி.ஆர் சோதனைகளை சுகாதார அமைச்சு உன்னிப்பாக கண்காணிக்க வேண்டும் என்றும் ஜனாதிபதி கூறினார்.
கோவிட்-19 தொற்றுக்குப் பிறகு தொடர்புடையோரை மற்றும் பகுதிகளை தனிமைப்படுத்துவது பரவுவதைத் தடுப்பதற்கான முன்னெச்சரிக்கை நடவடிக்கையாகக் கண்டறியப்படுகிறது. அதையும் மீறி ஊரடங்கு உத்தரவு விதிப்பது நோய் பரவுவதைத் தடுக்கும் என்று எதிர்பார்க்கப்படுகிறது. எனவே, பாதிக்கப்பட்ட பகுதிகளில் ஊரடங்கு உத்தரவை கண்டிப்பாக நடைமுறைப்படுத்துமாறு ஜனாதிபதி பொலிஸாருக்கு அறிவுறுத்தினார்.
பொருள்கள் விநியோகம் உள்ளிட்ட அத்தியாவசிய சேவைகளைத் தவிர்த்து மாவட்டங்களுக்கு இடையிலான பயணத்தை நிறுத்தவும் முடிவு செய்யப்பட்டது
