தமிழ் திரைப்பட இயக்குனரும், பிரபல நடிகருமான மனோபாலா சென்னையில் இன்று (மே 3) உடல் நலக்குறைவால் காலமானார்.
கல்லீரல் பிரச்சினை காரணமாக வீட்டில் இருந்து சிகிச்சை பெற்று வந்த நிலையில் இன்று தனது 69 ஆவது வயதில் காலமானார்.
இயக்குனர் பாரதிராஜவிடம் உதவி இயக்குனராக இருந்து 1982 ஆம் ஆண்டு ஆகாயகங்கை என்ற திரைப்படத்தை இயக்கியதன் மூலம் இயக்குனராக அறிமுகம் ஆனார்.
ஆகாயகங்கை, பிள்ளைநிலா, ஊர்க்காவலன், என்புருஷன் எனக்கு மட்டும் தான் உட்பட 24 தமிழ் திரைப்படங்களை இயக்கியுள்ளார்.
அத்துடன் ஏராளமான திரைப்படங்களில் நகைச்சுவை நடிகராகவும், குணச்சித்திர வேடங்களிலும் நடித்துள்ளார்.
இவரின் இழப்பு தமிழ் சினிமாவுக்கு பேரிழப்பாகும். அத்துடன் ரசிகர்கள் உட்பட தமிழ் சினிமாவின் திரையுலகினர் இரங்கல்களை தெரிவித்துள்ளனர்.
