யாழ்ப்பாணம் கோண்டாவில் பகுதியில் இளைஞர் ஒருவர் மீது வாள் வெட்டுத் தாக்குதல் நடத்தப்பட்டுள்ளது.
ஐயப்பன் ஆலயத்திற்கு அருகில் நேற்று(ஜனவரி 4) இரவு இளைஞன் மீதே வாள்வெட்டு வன்முறை மேற்கொள்ளப்பட்டுள்ளது.
இது குறித்து மேலும் தெரியவருவதாவது,மோட்டார் சைக்கிளில் வந்த வன்முறை கும்பல் ஒன்று இளைஞன் மீது வாள் வெட்டு தாக்குதலை மேற்கொண்ட பின்னர் , வீதியில் நின்ற முச்சக்கர வண்டி ஒன்றினையும் அடித்து உடைத்து சேதமாக்கிய பின்னர் அவ்விடத்தில் இருந்து தப்பி சென்றுள்ளனர்.
சம்பவத்தில் காயமடைந்த இளைஞனை அங்கிருந்தவர்கள் மீட்டு, வைத்தியசாலையில் அனுமதித்துள்ளனர்.
யாழ்ப்பாணத்திற்கு ஜனாதிபதி விஜயம் மேற்கொண்டுள்ள நிலையில்,யாழ்ப்பாணத்தில் பாதுகாப்பு பலப்படுத்தப்பட்டுள்ளது. அந்நிலையிலையே குறித்த வாள் வெட்டு சம்பவம் இடம்பெற்றுள்ளது.
சம்பவம் தொடர்பில் கோப்பாய் பொலிஸார் விசாரணைகளை முன்னெடுத்துள்ளனர்.