கொரோனா தொற்றால் மேலும் நால்வர் உயிரிழந்துள்ளனர் என்று அரச தகவல் திணைக்களம் இன்று (30) இரவு அறிவித்தது.
இவர்களுடன் சேர்த்துக் கொரோனா தொற்றால் இலங்கையில் உயிரிழந்தவர்களின் எண்ணிக்கை 199 ஆக அதிகரித்துள்ளது.
உயிரிழந்தவர்களில் மட்டக்களப்பைச் சேர்ந்த 72 வயது ஒருவரும் அடங்குகின்றார். மட்டக்களப்பு மாவட்டத்தில் கொரோனா தொற்றால் ஏற்பட்ட முதல் உயிரிழப்பு இதுவாகும்.
அதேவேளை, இன்று புதிதாக 639 பேர் கொரொனா தொற்றுடன் நாட்டில் இனங்காணப்பட்டுள்ளனர்.
கடந்த ஜனவரி மாதம் முதல் இன்றுவரை 42 ஆயிரத்து 702 பேர் கொரோனா வைரஸ் தொற்றால் பாதிக்கப்பட்டுள்ளனர்.
அவர்களில் 7 ஆயிரத்து 884 பேர் வைத்தியசாலைகளில் தற்போது சிகிச்சை பெற்று வருகின்றனர்.
