குருநகர் களப்பு பகுதியில் இன்று (24/09) காலை மேற்கொள்ளப்பட்ட தேடுதல் நடவடிக்கையின் போது 192 கிலோகிராமுக்கும் அதிகமான கஞ்சாவை இலங்கை கடற்படையினர் கைப்பற்றியுள்ளனர்.
வட கடற்படை கட்டளையின் எல்.என்.எஸ். வெலுசுமண கடற்படை முகாமின் கடற்படையினருக்கு கிடைத்த நம்பகமான தகவலின் பேரில் இந்த சோதனை நடவடிக்கை முன்னெடுக்கப்பட்டது.
இதன்போது, சந்தேகத்திற்கிடமான டிங்கி படகு ஒன்று இடைமறிக்கப்பட்டு, 7 பைகளில் 88 பொதிகளாக அடைக்கப்பட்டிருந்த கஞ்சா, டிங்கி படகு என்பவற்றுடன் சந்தேகநபர் ஒருவர் கைது செய்யப்பட்டார்.
கைது செய்யப்பட்ட சந்தேகநபர், கைப்பற்றப்பட்ட கஞ்சா மற்றும் டிங்கி படகு ஆகியன மேலதிக சட்ட நடவடிக்கைகளுக்காக யாழ்ப்பாண பொலிஸ் பிரிவின் குற்றப்புலனாய்வுப் பணியகத்திடம் ஒப்படைக்கப்பட்டுள்ளன.