கிளிநொச்சி சமுர்த்தி உத்தியோகத்தர் உட்பட இருவர் ஐரோப்பா செல்லும் வழியில் சுட்டுக் கொலை!!

கிளிநொச்சி உருத்திரபுரத்தைச் சேர்ந்த சமுர்த்தி உத்தியோகத்தர் ஒருவர் சட்டவிரோதமாக வெளிநாடு சென்ற நிலையில் வெலாரஸ் நாட்டின்  எல்லையில் அந்நாட்டு இராணுவத்தினரால் சுடப்பட்டு உயிரிழந்துள்ளதாக தகவல்கள் வெளியாகியுள்ளதுடன் அவருடன் மற்றுமொரு இலங்கையரும் சுட்டுக் கொல்லப்பட்டதாக அந்நாட்டு செய்திகள் தெரிவிக்கின்றன.

பெலாரஸ் நாட்டு எல்லைப் பகுதியிலுள்ள அடர்காட்டுப் பகுதியில் விலங்குகள் நுழையும் பகுதியூடாக இன்னொரு நாட்டுக்குள் நுழைய முற்பட்ட போது அந்நாட்டு இராணுவத்தினர் சிலர் அவர்களை கடும் சித்திரவதைக்குள்ளாக்கி சுட்டுக் கொன்றதுடன் உடலை ஆற்றுக்குள் வீசியதாகத் கூறப்படுகின்றது.

2021ம் ஆண்டிலிருந்து இதுவரை ஆட்கடத்தல்காரர்களை நம்பி அந்நாட்டினூடாக பயணித்த 78 பேர் இவ்வாறு அந்நாட்டு இராணுவத்தினரால் சுட்டுக்கொல்லப்பட்டதாகத் தெரிவிக்கப்படுகிறது.