கிளிநொச்சி, உதயநகர் பகுதியில் 22 வயதுப் பெண் ஒருவர் முச்சக்கர வண்டியில் கடத்தப்பட்டுள்ளார் என்று கிளிநொச்சி பொலிஸ் நிலையத்தில் முறைப்பாடு செய்யப்பட்டுள்ளது.
இந்தக் கடத்தலுக்கு பயன்படுத்தப்பட்ட முச்சக்கரவண்டியின் இலக்கம் வழங்கப்பட்டபோதும், இதுவரை சந்தேகநபர் கைது செய்யப்படவில்லை என்று பெண்ணின் உறவினர்கள் தெரிவித்துள்ளனர்.
கடத்தப்பட்ட பெண் ஒருவரைக் காதலித்து வந்துள்ளார் என்றும், அவர் போதைப் பொருளுக்கு அடிமையானவர் என்பது தெரிந்ததால், அவரைத் திருமணம் செய்ய மறுத்தார் என்றும் கூறப்படுகின்றது.
அதனால் ஆத்திரமடைந்த இளைஞர் ஆறு பேர் கொண்ட கும்பலுடன் பெண்ணின் வீட்டுக்குள் புகுந்து தாய் மற்றும் தம்பியைத் தாக்கிவிட்டு யுவதியை முச்சக்கர வண்டியில் கடத்திச் சென்றுள்ளார் என்று தெரிவிக்கப்படுகின்றது.