அனலைதீவு பிரதான வீதி மிக மோசமாக சேதமடைந்து காணப்படுவதால் பெரும் அசெளகரியங்களுக்கு மத்தியில் பயணிக்கவேண்டியுள்ளது என மக்கள் விசனம் தெரிவித்துள்ளனர்.
அனலைதீவு இறங்குதுறை தொடக்கம் தெற்கு முருகன் கோவில் வரையான மற்றும் வாகனங்கள் செல்லும் பிரதான வீதிகள் பல இடங்களில் சேதமடைந்து குண்டும் குழியுமாகக் காணப்படுகின்றன.
இந்தப் பகுதி மக்களுக்கு ஒரேயொரு இ.போ.ச. பஸ் மட்டுமே சேவையில் ஈடுபடுகிறது. வீதியின் மோசமான நிலைமையால் பஸ் அடிக்கடி பழுதடைந்து போக்குவரத்துத் தடைப்படுகின்றது.
மழை காலங்களில் இந்த வீதிகளில் வெள்ளம் தேங்கி நிற்பதால் வீதியால் பயணிக்க முடியாத நிலை ஏற்படுகிறது.
ஊர்காவற்றுறை பிரதேச சபைக்கு சொந்தமான இந்த வீதிகளை புனரமைத்து மக்கள் போக்குவரத்தை சீர் செய்ய நடவடிக்கை எடுக்க வேண்டும் என்று மக்கள் கோரிக்கை விடுத்துள்ளனர்.