மே தினத்தை முன்னிட்டு இன்று முதல் விசேட பாதுகாப்பு திட்டம் !

மே தினத்தை முன்னிட்டு இன்று(30) முதல் விசேட பாதுகாப்புத் திட்டம்அமுல்படுத்தப்படுவதாக பொலிஸார் தெரிவித்துள்ளனர்.

கொழும்பு நகரம் உள்ளிட்ட மே தின பேரணிகள் முன்னெடுக்கப்படும் பகுதிகளைமையப்படுத்தி இந்த திட்டம் நடைமுறைப்படுத்தப்படுவதாக பொலிஸ்ஊடகப்பேச்சாளர், பிரதி பொலிஸ்மா அதிபர் நிஹால் தல்தூவ தெரிவித்துள்ளார்.

சர்வதேச தொழிலாளர் தினத்தைக் கொண்டாடுவதற்கு பிரதான அரசியல்கட்சிகள் தயாராகி வருகின்றன. இம்முறை மே தினப் பேரணிகளையும்கூட்டங்களையும் கொழும்பு உள்ளிட்ட பிரதான நகரங்களில் நடத்ததிட்டமிடப்பட்டுள்ளது.

ஐக்கிய தேசியக் கட்சியின் மே தின நிகழ்வுகள் ஜனாதிபதி ரணில் விக்கிரமசிங்கதலைமையில் மாளிகாவத்தை PD சிறிசேன மைதானத்தில் நடைபெறவுள்ளன. நிலவும் வெப்பமான வானிலையைக் கருத்தில்கொண்டு இம்முறை பேரணி எதுவும்முன்னெடுக்கப்பட மாட்டாது என கட்சியின் பொதுச் செயலாளர் பாலித ரங்கேபண்டார தெரிவித்துள்ளார்.

ஐக்கிய மக்கள் சக்தியின் மே தினக் கூட்டம் கோட்டை சத்தம் வீதியில்நடைபெறவுள்ளது. கொழும்பு குணசிங்கபுர விளையாட்டரங்கிலிருந்து சத்தம்வீதிக்கு பேரணியாக வருவதற்கு ஏற்பாடுகள் முன்னெடுக்கப்பட்டுள்ளதாககட்சியின் தேசிய அமைப்பாளர் திஸ்ஸ அத்தநாயக்க தெரிவித்துள்ளார்.

ஐக்கிய மக்கள் சக்தியின் மற்றுமொரு மே தின பேரணி தலவாக்கலையில்நடைபெறவுள்ளது.

ஸ்ரீ லங்கா பொதுஜன பெரமுனவின் மே தின நிகழ்வுகள் பொரளை கெம்பல்மைதானத்திலும் ஶ்ரீ லங்கா சுதந்திரக் கட்சியின் மே தினக் கூட்டம் கம்பஹாநகரசபை மைதானத்திலும் முன்னெடுக்கப்படவுள்ளன. கட்சியின் அனைத்துஉறுப்பினர்களும் இதில் பங்கேற்பார்கள் என எதிர்பார்ப்பதாக கட்சியின்சிரேஷ்ட உறுப்பினரொருவர் தெரிவித்துள்ளார்.

தேசிய மக்கள் சக்தியின் மே தினக் கூட்டம் ‘நாட்டை கட்டியெழுப்பும் தீர்வுக்குமக்கள் சக்தி ஓரணியில்’ எனும் தொனிப்பொருளில் நாட்டின் பல பகுதிகளிலும்நடைபெறவுள்ளது. கொழும்பில் நடைபெறவுள்ள மே தின பேரணி BRC மைதானத்தில் பிற்பகல் 2 மணிக்கு ஆரம்பமாகவுள்ளதுடன், பிற்பகல் 3.30 க்குCWW கன்னங்கர மாவத்தையில் கூட்டம் ஆரம்பமாகவுள்ளது.

யாழ்ப்பாணத்தில் முற்பகல் 10 மணிக்கு தந்தை செல்வா கலையரங்கில் மே தினக்கூட்டம் நடைபெறவுள்ளது.

அனுராதபுரத்தில் தேசிய மக்கள் சக்தியின் மே தின பேரணி வலிசிங்கஹரிஸ்சந்ர விளையாட்டரங்கில் பிற்பகல் 2 மணிக்கு ஆரம்பமாகி பிற்பகல் 3.30 க்கு மஹஜன விளையாட்டரங்கில் கூட்டம் நடைபெறவுள்ளது.

கொழும்பில் இடம்பெறவுள்ள மே தினப் பேரணிகள், கூட்டங்களின்பாதுகாப்பிற்காக 6000 பொலிஸார் கடமைகளில் ஈடுபடுத்தப்பட்டுள்ளதாகபொலிஸ் ஊடகப்பேச்சாளர் தெரிவித்துள்ளார்.

மேலும் 4000 பொலிஸார் ஏனைய பிரதேசங்களில் பாதுகாப்பு கடமைகளில்ஈடுபடுத்தப்பட்டுள்ளனர். தேவையேற்படும் சந்தர்ப்பங்களில் இராணுவத்தினரின்உதவி பெற்றுக்கொள்ளப்படும் அவர் தெரிவித்துள்ளார்.

இதனிடையே, மே தினப் பேரணிகள், கூட்டங்களை பதிவு செய்வதற்காக ட்ரோன்கெமராக்களை அனுமதியின்றிப் பயன்படுத்த தடை விதிக்கப்பட்டுள்ளதாகபொலிஸார் அறிவித்துள்ளனர்.

அவ்வாறு ட்ரோன் கெமராக்களைப் பயன்படுத்த வேண்டிய தேவையேற்படின்முன்னனுமதி பெற வேண்டுமெனவும் இந்த விதிமுறை நாட்டின் அனைத்துபகுதிகளிலும் இடம்பெறவுள்ள மே தினப் பேரணிகள் மற்றும் கூட்டங்களுக்குப்பொருந்துமெனவும் பொலிஸ் ஊடகப்பேச்சாளர் அறிவுறுத்தியுள்ளார்.