மன்னார், தலைமன்னார் பிரதான வீதியில் தராபுரம் பிரதேசத்தில் நடந்த விபத்தில் இளம் குடும்பஸ்தர் ஒருவர் உயிரிழந்துள்ளார்.
இந்த விபத்து இன்று (டிசம்பர் 29) காலை 10 மணிக்கு நடந்துள்ளது. மன்னாரில் இருந்து பேசாலை நோக்கிப் பயணித்த பொலிஸ் டிப்பெண்டர் ரக வாகனமும், பேசாலையில் இருந்து மன்னார் நோக்கிப் பயணித்த மோட்டார் சைக்கிளும் மோதியே விபத்து நடந்துள்ளது.
மன்னார் பனங்கட்டுக்கொட்டு பிரதேசத்தைச் சேர்ந்த 32 வயதுடைய ஆனந்த் கன்பியூசியஸ் என்பவரே உயிரிழந்துள்ளார்.
மோட்டார் சைக்கிளில் பயணித்த ஆனந்த் கன்பியூசியஸ் விபத்தில் தூக்கி வீசப்பட்டுப் படுகாயமடைந்த நிலையில், நோயாளர் காவு வண்டி மூலம் மன்னார் மாவட்டப் பொது வைத்தியசாலையில் சேர்க்கப்பட்டார். எனினும் சிகிச்சை பயனின்றி அவர் உயிரிழந்தார்.
இந்த விபத்துச் சம்பவம் தொடர்பாக மன்னார் பொலிஸார் விசாரணைகளை முன்னெடுத்துள்ளனர்.
