சாவகச்சேரி சமுர்த்தி ஆரோக்கிய உணவகம் திறப்பு விழா சாவகச்சேரி பிரதேச செயலாளர் எவ்.சி.சத்தியசோதி தலைமையில் அண்மையில் நடைபெற்றது.
இந் நிகழ்வில் பிரதம விருந்தினராக யாழ்ப்பாண மாவட்ட அரசாங்க அதிபர் மருதலிங்கம் பிரதீபன் அவர்களும், சிறப்பு விருந்தினர்களாக சமுர்த்தி திணைக்களத்தின் பிரதிப் பணிப்பாளர் (குறுநிதி) மகேஷ் பெர்ணாண்டோ அவர்களும், யாழ்ப்பாண மாவட்ட சமுர்த்திப் பணிப்பாளர் பொ. ஸ்ரீவர்ணன் அவர்களும் கலந்து சிறப்பித்ததுடன் ஆரோக்கிய உணவகமும் ஆரம்பித்து வைக்கப்பட்டது.
மேலும், மாணவர்களுக்கான கற்றல் உபகரணங்கள் வழங்கப்பட்டதுடன், மாணவர்களுக்கான சிப்தொர புலமைப் பரிசில் கொடுப்பனவும், தேசிய வலுவூட்டல் பயனாளிகளுக்கான வாழ்வாதார உபகரணங்களும் வழங்கப்பட்டது.
இந் நிகழ்வில் சமுர்த்தி முகாமையாளர்கள், சமுர்த்தி அபிவிருத்தி உத்தியோகத்தர்கள் மற்றும் பயனாளிகளும் கலந்து கொண்டனர்.
