2024 ஆம் ஆண்டுக்கான வரவு செலவுத் திட்டத்தில் எதிர்வரும் ஏப்ரல் மாதம் முதல் அரச ஊழியர்களுக்கு வழங்க முன்மொழியப்பட்ட 10,000 ரூபா வாழ்க்கைச் செலவுக் கொடுப்பனவில் 5,000 ரூபாவை ஜனவரி மாதம் முதல் வழங்குவதற்கு ஜனாதிபதி முன்வைத்த யோசனைக்கு அமைச்சரவை அங்கீகாரம் வழங்கியுள்ளது.
அதேபோல், மருத்துவர்களுக்கான போக்குவரத்து கொடுப்பனவு மற்றும் இடையூறு கொடுப்பனவை (DAT) இரட்டிப்பாக்க ஜனாதிபதியின் முன்மொழிவுக்கு அமைச்சரவை ஒப்புதல் அளித்துள்ளது.
இதன்படி 35,000 முதல் ரூ. 70,000.ரூபாவால் அதிகரிக்கவும் மேலும், பல்கலைக்கழக விரிவுரையாளர்கள் அவர்களின் ஆய்வு கொடுப்பனவில் 25% அதிகரிப்பு செய்யப்பட்டு, அவர்களின் ஜனவரி சம்பளத்தில் சேர்க்கப்படும்.
மேற்படி தகவலை ஜனாதிபதி ஊடகப் பிரிவு வெளியிட்டுள்ளது.
