சோபகிருது வருடமானது எல்லோருடைய வாழ்விலும் சந்தோசத்தையும் மகிழ்ச்சியையும் சுபீட்சத்தையும் கொடுக்க வேண்டும் என்று நெடுந்தீவு மேற்கு உயரப்புலம் ஐயனார் ஆலய பிரதமகுரு பிரம்மஶ்ரீ தி. சிவபாலன் சர்மா தெரிவித்துள்ளார்.
அவர் அனுப்பியுள்ள சித்திரைப் புதுவருட வாழ்த்துச் செய்தியிலேயே அவர் இவ்வாறு தெரிவித்துள்ளார்.
அவர் அனுப்பியுள்ள வாழ்த்துச் செய்தியில் தெரிவிக்கப்பட்டுள்ளதாவது-
ஓம் நமசிவாய
“சோப கிருதுதன்னிற் தொல்லுலகெல்லாஞ் செழிக்கும் கோபமகன்று குணம் பெருகும் சோபனங்கள் உண்டாகி மாரியொழியாமற் பெய்யும் எல்லாம் உண்டாகுமென்றேயரை”
இன்றைய நாளில் பிற்பகல் 2 மணி 03 நிமிடத்தில் பிறக்கின்ற சோபகிருது வருடமானது எல்லோருடைய வாழ்விலும் சந்தோசத்தையும் மகிழ்ச்சியையும் சுபீட்சத்தையும் கொடுக்கவேண்டும்.
நாட்டில் நல்ல மழை பொழிய வேண்டும், எல்லாவித பிரச்சனைகளும் தீர்ந்து மக்கள் எல்லோரும் நிம்மதியாகவும் சந்தோசமாகவும் இருக்க, பிறக்கின்ற இப் புத்தாண்டு சிறப்பாக அமைய வேண்டும் என இறைவனைப் பிரார்த்தித்து எனது ஆசிகளையும் சித்திரைப் புத்தாண்டு வாழ்துக்களையும் தெரிவித்துக்கொள்கின்றேன். – என்றுள்ளது.
