கிளிநொச்சி, கரடிப்போக்குச் சந்திக்கு அண்மையில் பெரியபரந்தன் பகுதியில் ஆண் ஒருவரின் சடலம் நேற்று (டிசெம்பர் 27) மீட்கப்பட்டுள்ளது.
நீர்ப்பாசன வாய்க்கால் ஒன்றுக்குள் சடலம் காணப்பட்ட நிலையில், பொதுமக்கள் அதை அவதானித்துப் பொலிஸாருக்குத் தகவல் வழங்கியுள்ளனர்.
சம்பவ இடத்துக்குச் சென்று விசாரணைகளை முன்னெடுத்த பொலிஸார், சடலத்தை மீட்டு கிளிநொச்சி வைத்தியசாலையில் ஒப்படைக்க நடவடிக்கை எடுத்தனர்.
மீட்கப்பட்ட சடலம் அடையாளம் காணப்படாத நிலையில், கிளிநொச்சி பொலிஸார் விசாரணைகளை முன்னெடுத்து வருகின்றனர்.
