நெடுந்தீவு வாருங்கள்
வந்தோரை வரவேற்கும்
கற்பகதருவும் கண்ணிய மாந்தரும்
வற்றாத பேரன்பின் விருந்தோம்பலும்
சற்றேனும் குறையாத சந்ததியாளர்
பனையோடு சேர்ந்த பற்பல உணவுகள்
நொங்கோடு பணியாரம்
நூறாகும்
எங்களூர் கூழ்குடித்தால்
ஆயுள்அதும் நூறாகும்
வாயூறும் பனங்கட்டி
கள்ளு
பதநீரின் சுவை வேறு
போய்யுண்டு பாரும்
பனம் பொருளின் பலன் அறிவீர்
கற்பகதருவென்று
கடவுளிட்டட பெயரதுவே
அற்புதமூலியிது
புளுக்கொடியல் பினாட்டு
ஒடியல் புட்டோடு இலைக்கறிகள் மீன்நண்டுறாலெண்டு கடல்படு திரவியங்கள்
போட்டுப் புரட்டி கலந்துண்டுசாப்பிட்டால்
காலத்தில் சாவில்லை
கடக்கும் அகவை நூறையும் தாண்டி
பனங்கிழங்குண்டால்
பதமாக மலங்கழியும்
மனமுண்டு மகிழ்வுண்டு
மரணமது இடையிலில்லை
கண்துலங்கும்
காது விளங்கும்
கடைசிவரை பல்லிருக்கும்
எங்களூர்மாந்தருக்கு
நிறைந்த பலமிருக்கும்
பிறந்தால் நெடுந்தீவு
மண்ணில் பிறந்து விடு
சிறந்த அறிவாளர் கவிஞர் கணக்காளர்
பிறந்தமண்ணெண்றால்
பொய்யில்லை
நடனம் கூத்து நளினம் சிலேடையென்று பலகலையில் வல்லவர்கள்
விருந்தோம்பலென்றால்
விருப்பம் இவர்களுக்கு
பெரும்பாலும் கூடிக்குடிப்பர் கூள் கள்
குதுகலிப்பாய்
வருர்போதும் கடல்படு திரவியங்கள் கருவாடும்
பனப்பொருட்கள்
தருவார்கள்அன்புடனே
ஒருவருக்கொருவர் தழுவி முத்தமிடும் தமிழர்பண்பாடும்
தவறாது இன்றுமுண்டு
மானம் தன்மானம் வீரமுடன் காதல்
விளையும்நிலம் நெடுந்தீவு
என்தாயும்நெடுந்தீவு
தந்தையும் நெடுந்தீவு
தூயதமிழ்பேசும்
தமிழர் தனிநாயகமும்
பிறந்தமண் இதுவாகும்
ஆயர் கவிவாணர் ஆன்றோர்பலருண்டு
நடனக்கலைமாந்தன் வேலானந்தர் பிறந்தமண்ணிதுவாகும்
வெடியரசன் கோட்டை ஆயுள் பலங்காட்டும் பெருக்குமரம் இங்குண்டு
வெளிநாட்டோர் வந்து
சுற்றுலாச்செய்ய
சிறந்தபலவுண்டு
குதிரைத்தீவு என்றும்
பால்த்தீவென்றும்
பசுத்தீவு பசுந்தீவு
பலபெயருண்டு
பாருங்கள் சென்று
பகிருங்கள்நன்று பாசத்தை அன்பை பண்பாட்டு தன்மைகளை
வாருங்கள் என்று வரவேற்க்கும் பக்குவத்தை
நேரில் தரிசித்தால் நெஞ்சில் நிறைந்திருக்கும்
தீவான்
கலாகணேசன்
ஈழம்