ஐஸ் போதைப்பொருளை உடைமையில் வைத்திருந்த குற்றச்சாட்டில், யாழ்ப்பாணம் ஆறுகால்மடத்தில் இருவர் பொலிஸாரால் இன்று (26) கைது செய்யப்பட்டுள்ளனர்.
சந்தேகநபர்களிடம் இருந்து 18 கிராம் ஐஸ் போதைப் பொருளும், ஆயிரம் போதை மாத்திரைகளும் கைப்பற்றப்பட்டன என்று யாழ்ப்பாணம் விசேட குற்றத் தடுப்புப் பிரிவு உப பொலிஸ் பரிசோதகர் மேனன் தெரிவித்தார்.
கைது செய்யப்பட்ட இருவரும் 22 மற்றும் 23 வயதுடையவர்கள். இவர்கள் பாடசாலை மற்றும் பல்கலைக் கழக மாணவர்களை இலக்கு வைத்து போதைப் பொருள் விற்பனையில் ஈடுபடுவர்கள் என்று தெரிவிக்கப்படுகின்றது.
யாழ்ப்பாணம் விசேட குற்றத் தடுப்புப் பிரிவு உப பொலிஸ் பரிசோதகர் மேனன் தலைமையிலான குழுவினரே சந்தேகநபர்களைக் கைது செய்துள்ளனர்.