யாழ்ப்பாண மாவட்டத்தில் மண்டோஸ்(Mandous) புயலினால் மிகவும் பாதிக்கப்பட்ட மீனவர்களுக்கு வாழ்வாதார உதவி வழங்கல் நிகழ்வு யாழ் மாவட்ட செயலாளர் அம்பலவாணர் சிவபாலசுந்தரன் தலைமையில் நேற்றுமுன்தினம்(ஒக்ரோபர் 19) பிற்பகல் மாவட்ட செயலக கேட்போர் கூடத்தில் இடம்பெற்றது.
மன்னாா் மெசிடோ நிறுவனத்தினால் ஊர்காவற்துறை, நெடுந்தீவு , வேலணை, தெல்லிப்பழை , பருத்தித்துறை ஆகிய பிரதேச செயலகங்களைச் சேர்ந்த 52 பாதிக்கப்பட்ட மீனவர்களுக்கு 45000 ரூபா பெறுமதியான வாழ்வாதார உதவிகள் வழங்கி வைக்கப்பட்டன.
இந்த நிகழ்வில் மாவட்ட செயலக பிரதித் திட்டமிடல் பணிப்பாளர், (மன்னாா்)மெசிடோ நிறுவன பணிப்பாளர் , ஒருங்கிணைப்பாளர், கள ஒருங்கிணைப்பாளர், உத்தியோகத்தர்கள் உட்பட பயனாளிகள் எனப் பலரும் கலந்து கொண்டனர்.
