நல்லூருக்கு மட்டுப்படுத்தப்பட்ட அளவிலேயே பக்தர்கள் அனுமதி!

இதற்கமைய நல்லூர் கந்தனின் மகோற்ச திருவிழாவில் கலந்துகொள்ளும் பக்தர்களின் எண்ணிக்கையை அதிகரிக்க அனுமதிக்குமாறு பிரதமர் மஹிந்த ராஜபக்ஷ பணிப்புரை விடுத்துள்ளார்.

யாழ்ப்பாணத்திற்கு இராணுவ தளபதி லெப்டினன்ட் ஜெனரல் ஷவேந்திர சில்வா, விஜயம் மேற்கொண்டுள்ள நிலையில், பிரதமர் அவருக்கு குறித்த பணிப்புரையை விடுத்துள்ளார்.

இலங்கையில் கொரோனா வைரஸ் பரவலை அடுத்து, சுகாதார வழிமுறைகளுக்கு அமைவாக, அதிகளவில் மக்கள் கூடுவதற்கு தடை போடப்பட்டுள்ளது.

ஒவ்வரு வருடமும் புலம் பெயர் தேசத்தில் இருந்தும் பல்லாயிரக்கணக்கானவர்கள் பங்கேற்கும் நல்லூர் கந்தனின் மகோற்சவ திருவிழாவில் , இம்முறை கொரோனா அச்சுறுத்தல் காரணமாக இந்த திருவிழாவில் பங்கேற்கும் பக்தர்கள் மட்டுபடுத்தப்பட்டுள்ளனர்.

இதற்கமைய, ஆலய ஊழியர்கள், இந்துக் குருமாருடன் திருவிழாவை நடத்த முடிவு செய்யப்பட்டிருந்தது. இந்த நிலையில், நல்லூர் கந்தசுவாமி கோவில் திருவிழாவில் குறைந்தளவிலாவது பக்தர்களை ஆலய வளாகத்துக்குள் அனுமதிக்க வேண்டும் என பிரதமர் மகிந்தவிடம் கோரிக்கை விடுக்கப்பட்டிருந்தது.

இந்த கோரிக்கையினை பரிசீலனை செய்த பிரதமர் சுகாதார வழிமுறைகளை பின்பற்றி அதிகளவு பக்கதர்கள் நல்லூர் கந்தன் வருடாந்த திருவிழாவில் பங்கேற்ற வழிசெய்யுமாறு  அறிவித்தல் விடுத்துள்ளார்.