கொழும்பு – தெஹிவளை பொலிஸ் பிரிவுக்கு உட்பட்ட பகுதியில் கைவிடப்பட்ட கட்டடம் ஒன்றிலிருந்து கைக்குண்டு ஒன்று மீட்கப்பட்டுள்ளதாக பொலிஸார் தெரிவித்துள்ளனர்.
பொலிஸாரால் நேற்று (டிசம்பர் 6) காலை முன்னெக்கப்பட்ட சோதனையின் போதே கைக்குண்டு மீட்கப்பட்டுள்ளது.
குறித்த கைக்குண்டானது தெஹிவளை பொலிஸ் பிரிவுக்கு உட்பட்ட இலக்கம் 124, அனகாரிக தர்மபால மாவத்தை, தெஹிவளை என்ற முகவரியில், பாதி கட்டப்பட்டு கைவிடப்பட்டுள்ள 11 மாடி கட்டடத்தின் 5 ஆவது மாடியில் கண்டுபிடிக்கப்பட்டுள்ளதாக தெரிவிக்கப்படுகிறது.
தெஹிவளை பொலிஸ் நிலையத்திற்கு நீல நிற பொலித்தீன் பையில் பொதி செய்யப்பட்ட கைக்குண்டு போன்ற ஒன்று இருப்பதாக குறித்த கட்டடத்தின் பாதுகாப்பு அதிகாரியினால் அறிவிக்கப்பட்டுள்ளது.
இது தொடர்பி்ல் தெஹிவளை பொலிஸ் நிலையம் கைக்குண்டு செயலிழப்பு பிரிவினருக்கு அறிவித்ததை அடுத்து, பொலிஸ் விசேட அதிரடிப்படையின் கைக்குண்டு செயலிழப்பு பிரிவினரால் கைக்குண்டு எடுத்துச் செல்லப்பட்டதாக தெரிவிக்கப்படுகிறது.
