தற்போது ஏற்பட்டுள்ள காலநிலை மாற்றத்தினால் ஏற்படும் கடல் மட்ட உயர்வினால் எதிர்வரும் 2025 ஆம் ஆண்டளவில் 6,110 ஹெக்ரேயர் நிலப்பரப்பை இலங்கை இழக்கும் என சார்க் உணவு சங்கத்தின் துணைத் தலைவர் வைத்தியர் பி.ஜி. ஹேமந்தகுமார தெரிவித்துள்ளார்.
அதன்படி, இது 2100 ஆம் ஆண்டளவில் 25,000 ஹெக்ரேயராக அதிகரிக்கும் எனவும் அவர் கூறினார்.
“காலநிலை மாற்றத்தினால் சுகாதார தாக்கம்” என்ற தொனிப் பொருளில் கீழ் களுத்துறை வாத்துவையில் நடைபெற்ற செயலமர்வில் கலந்து கொண்டு உரையாற்றும் போதே அவர் மேற்கண்டவாறு தெரிவித்தார்.
காலநிலை மாற்றம் எவ் வாறு ஆரோக்கியத்தை நேரடியாக பாதிக்கிறது என்பது குறித்து மேலும் கருத்து தெரிவித்த அவர், இலங்கையில் ஒரு வருடத்திற்குள் அதிதீவிர காலநிலை நிகழ்வுகள் அதிகமாக உள்ளதால், உலகளாவிய காலநிலை இடர் குறியீட்டில் இலங்கை இரண்டாவது இடத்தில் உள்ளது. இதேவேளை, இலங்கையில் நாளொன்றுக்கு இரண்டு லட்சம் மதிய உணவுத் தாள்கள்
மற்றும் 150,000 பொலித்தீன் பைகள் பயன்படுத்தப்படுகின்றன.
ஒரு மாதத்திற்கு தனிநபர் பொலித்தீன் பயன்பாடு ஒரு கிலோ ஆகும். வானிலை மற்றும் காலநிலை மாற்றம் திசையன் மூலம் பரவும் நோய்த்தொற்றுகளின் உயிரியல் மற்றும் விநியோகத்தை பாதிக்கும்.
உதாரணமாக, வெப்பநிலை மாற்றங்கள், உலகளாவிய காற்று மற்றும் மழைப்பொழிவு முறைகள் மற்றும் மிதமான தட்பவெப்பநிலைகளில் ஈரப் பதத்தில் ஏற்படும் மாற்றங்கள் பூச்சி இனப்பெருக்கத்தை சாதகமாக பாதிக்கலாம் மற்றும் அதன் அடர்த்தியை அதிகரிக்கலாம் – என்றார்.
