நாட்டில் ஏற்பட்டுள்ள அசாதாரண சூழ்நிலையால் யாழ். குடாநாட்டு வைத்தியசாலைகளின் இரத்த வங்கிகளில் இரத்த வகைகளுக்குத் தட்டுப்பாடு ஏற்பட்டுள்ளதாகத் தெல்லிப்பழை ஆதார வைத்தியசாலையின் இரத்த வங்கிப் பொறுப்பதிகாரி வைத்தியர் மகேசு பிரதீபன் தெரிவித்தார்.
இது தொடர்பாக அவர் மேலும் தெரிவிக்கையில் –
சுகாதாரச் சிக்கல்கள் காரணமாக ஏற்கனவே ஒழுங்கமைக்கப்பட்ட நடமாடும் இரத்ததான முகாம்கள் பிற்போடப்பட்டமையே இரத்தத்தட்டுப்பாட்டுக்கான காரணம். இதனைக்கருத்திற்கொண்டு தெல்லிப்பழை ஆதாரவைத்தியசாலை, யாழ்ப்பாணம்போதனா வைத்தியசாலை மற்றும் பருத்தித்துறை ஆதாரவைத்தியசாலை ஆகிய வைத்தியசாலைகளின் இரத்த வங்கிகளுக்கு குருதிக் கொடையாளர்கள் நேரடியாக வருகை தந்து இரத்ததானம் வழங்க முடியும்.
அந்தவகையில் தினமும் காலை 8 மணி முதல் மாலை 4 மணி வரை தற்போது நடை முறையிலுள்ளகொரோனாகால சுகாதார நடைமுறைகளுக்க மையகுருதிக்கொடையாளர்கள் இரத்ததானம் வழங்க முடியும்.
தற்போதைய நிலைமை யைக் கருத்திற்கொண்டு இரத்த தான முகாம்களின் ஒழுங்க மைப்பாளர்கள் குருதிக்கொடையாளர்களை ஊக்குவிக்க முன்வர வேண்டும். மேலதிகவிவரங்களிற்கு 0772988917 எனும் தொலைபேசி இலக்கத்திற்குத் தொடர்புகொள்ள முடியும்.- என்றார்.
