தந்தை செல்வாவின் 46 ஆம் ஆண்டு நினைவு நாள் அஞ்சலியும் நினைவுப் பேருரையும் இன்று (ஏப்ரல் 26) தந்தை செல்வா சதுக்கத்தில் இடம்பெற்றது.
தந்தை செல்வா நினைவு அறங்காவலர் குழுதன தலைவர் ஓய்வு நிலை ஆயர் சு.ஜெபநேசன்
தலைமையில் இடம்பெற்றது.
தமிழரசுக் கட்சி தலைவர் மாவை சேனாதிராஜா தந்தை செல்வாவின் தூபிக்கு மலர் மாலை அணிவித்து சமாதியில் மலரஞ்சலியும் செலுத்தினார். தொடர்ந்து ஏனையவர்களும் மலர் மாலை அணிவித்து மலரஞ்சலியும் செலுத்தினார்.
குறித்த நிகழ்வில் தமிழரசுகட்சியின் ஆதரவாளவர்கள், மக்கள் எனப்பலர் கலந்த கொண்டு அஞ்சலி செலுத்தினர்.
“தமிழ்த் தேசிய இனத்தின் விடுதலை வரலாற்றில் தந்தை செல்வா சாதித்தவை” எனும் தலைப்பில் கிழக்குப் பல்கலைக்கழக முதுநிலை விரிவுரையாளர் அருட்பணி அ.அ.நவரத்தினம் அடிகளார் நினைவுப் பேருரையை வழங்கினார்.
