2025 கல்வி ஆண்டிற்கான தரம் 06 இற்கு நெடுந்தீவு மகாவித்தியாலயத்திற்கு புதிதாக இணைந்துள்ள மாணவர்களை வரவேற்கும் நிகழ்வு இன்றையதினம் (ஜனவரி29) வித்தியாலயத்தில் மிகவும் சிறப்பாக நடைபெற்றது.
புதிய மாணவர்கள் வித்தியாலய நுழைவாயிலில் இருந்து மலர்ச் செண்டுகள் கொடுத்து விருந்தினர்கள், அதிபர், ஆசிரியர்கள் , பெற்றோர்கள் மற்றும் மாணவர்களால் விழா மண்டபத்திற்கு அழைத்து வரப்பட்டு நிகழ்வுகள் இடம்பெற்றன.
வித்தியாலய அதிபர் தலைமையில் இடம்பெற்ற நிகழ்வில் மத குருமார்களது ஆசிச்செய்தியுடன், வாழ்த்துரைகளும் இடம்பெற்றது.
புதிதாக 28 மாணவர்கள் 2025 கல்வி ஆண்டில் பாடசாலையில்இணைந்துள்ளமை குறிப்பிடத்தக்கதாகும்.
